Eugenio Bennato - Donna Eleonora

Donna Eleonora nun è ghiuta ‘o Teatro
è rimasta fora ‘miezo a via 
tra e disoccupati organizzati 
guardati a vista d’a polizia 
Donna Eleonora nun ce steva ‘o San Carlo 
‘mmiezo a gente assettata ca nun abballa 
steva cu e guagliune ‘e l’Officina 
fatti a ttammorra fatti a vvino

Dint’o Teatro pe Donna Eleonora 
è o Setteciento ca se sona ancora 
a stessa musica a stessa gente 
nun è cagnato o riesto ‘e niente 
Dint’o Teatro tutto tale e quale 
e stessi ffacce dint’o palco reale 
a stessa musica a stessa storia 
o Rre sta dinto e o popolo fora 
Tutte e signure dint’o teatro 
tutte e ttammorre d’e ttammurriate 
pe’ chi sta fora pe’ chi sta fora 
Pe’ tutt’a musica ‘e contrabbando 
pe’ l’africano pe’ l’emigrante 
pe’ tutta a gente ‘e donna Eleonora 
Donna Eleonora forse nun c’è mai stata 
forse è nu nomme che ci’ammo ‘nventato 
forse è sultanto n’illusione 
d’o Settecientonuvantanove 
E si è na musica ‘Onna Eleonora 
è na tammorra ca sona ancora 
è tutt’a musica ‘e miezo a via 
d’o popolo sujo d’o popolo mio

(Donna Eleonora, donna Eleonora Nascette portoghese da Lisbona 
e a Napule campaie Donna Eleonora 
murette quanno a Napule se more 
o Millesettecientonuvantanove) 
Donna Eleonora nun è ghiuta ‘o Teatro 
è rimasta fora ‘miezo a via 
tra e disoccupati organizzati 
guardati a vista d’a polizia 
Donna Eleonora nun ce steva ‘o San Carlo 
‘mmiezo a gente assettata ca nun abballa 
steva cu e guagliune ‘e l’Officina 
fatti a ttammorra fatti a vvino